嚴選全港 5 間最正泰式按摩

如果問小編平時做嘢做到攰，除咗想好好咁休息下之外仲想做D咩？小編一定答你想去按返個靚摩！按摩唔止可以幫助舒緩平時工作上嘅疲勞，仲有助放鬆緊繃嘅情緒，而咁多種按摩之中，最為香港人熟悉嘅一定係泰式按摩啦，所以今次小編都嚴格挑選咗全港5間最正嘅泰式按摩畀大家，等大家都可以去鬆一鬆！

金象泰式按摩 Chang Thai Massage & Beauty

位於太子，呢度嘅老闆特登喺店鋪嘅裝修下過一番功夫，所有嘅佈置、用色、擺設等等都充滿泰國風情，務求客人一入到嚟就好似置身泰國咁。而且佢哋所有嘅按摩師都係泰籍技師，全部都擁有泰國正宗嘅按摩技術，仲有多年嘅按摩經驗，配合埋柔和嘅燈光，想唔relax都唔得啦～佢哋仲有多張按摩椅，同三五知己一齊按都冇問題，亦都歡迎男女賓架！ MindBeauty 推介療程：45分鐘泰式按摩 $178

Sense Thai Massage

離中環港鐵站只係幾分鐘嘅路程，環境清幽。佢哋除咗泰式按摩之外，仲有漢方薰足、磁石經絡按摩等嘅服務。佢哋嘅按摩師嚟自泰國，有成15年嘅經驗，手法正宗唔在講，仲會使用嚟自泰國嘅純天然按摩油同椰子油。佢哋由按摩師到使用嘅產品都堅持還原返泰國嘅模式畀客人，想享受同泰國同等嘅服務嘅話，呢度一定唔會令你失望～ MindBeauty 推介療程：泰式傳統按摩（45分鐘） $308

足地 The Foot Room

位置喺天后，雖然主打係足浴，但亦都有按摩服務提供。最重要嘅係唔少客人去完都大讚地方舒適，按摩師手法專業又夠力度，加埋柔和嘅燈光同音樂，真係隨時按按下舒服到瞓著！佢哋喺MindBeauty App 入面得到嘅評價有成4星半，可以話係備受MindBeauty用戶讚賞嘅其中一間按摩店，如果驚盲中中求其去一間按摩會中伏嘅話，嚟到呢度一定唔使怕啦！ MindBeauty 推介療程：50分鐘泰式按摩 $350

Nutri Slim Spa

位於尖沙咀，全部按摩師都係有認可資格嘅女按摩師，喺泰國受過專業嘅訓練。佢哋除咗按摩之外，亦都有纖體、面部護理同眼部護理等療程選擇，可以話係非常多元化，做完按摩都可以揀下有冇其他療程啱做，咁就唔使周圍搵啦～加埋咁具泰式風情嘅裝修，嚟到呢度就好似身處喺泰國嘅小天堂咁，真正放鬆身心！ MindBeauty 推介療程：古法泰式按摩 $168

D’Varee Spa & Beauty

位於中環，裝修以大地系嘅色調為主，可以話係喺中環難得一見嘅寧靜綠洲，嚟到就好似同大自然更加接近咁。佢哋專為客人提供唔同嘅舒緩護理，連按摩都分好多種，包括香薰按摩、深層組織按摩、淋巴按摩、運動按摩同舒緩按摩等，完全可以針對客人唔同嘅需要，提供最適合嘅按摩服務，唔怕佢一招按摩手法用到老！ MindBeauty 推介療程：60分鐘泰式按摩 $380

以上5間嚴選嘅泰式按摩都得到唔少客人嘅好評，可以安心去按一按！