出門在外唔怕曬 6 個防曬小貼士
最近天氣越嚟越熱，相信大家都feel到夏天嚟緊啦！一到夏天，陽光特別猛烈，所以防曬都要比平時做得更足。唔想雀斑、色斑趁機冒出嚟？咁就要留意以下嘅防曬小貼士跟住嚟做啦！
1. 防曬點揀好? 😎
大家喺揀防曬產品嘅時候應該都會留意上面嘅PA同SPF，揀嗰陣未必揀最高防曬嘅就最好，應該揀返適合自己嘅～如果平時比較少到戶外長時間工作或者運動，其實用SPF15 同 PA++已經好夠，出去玩嘅時候先用返SPF30 同PA+++或以上嘅產品就得啦！
2. 幾時搽防曬? 🕐
唔好以為臨出門口前嗰一刻搽防曬就最好，其實應該喺出門口前15分鐘搽定，否則防曬功效就冇咁理想啦，所以記得預留少少時間搽定防曬先出門口呀～
3. 搽一次可以last足一日?👒
好多Sis都諗住防曬只要喺出門口之前搽就得，但其實最理想係每隔兩個鐘補搽一次，出汗或者係游水之後亦都要補搽返，特別係喺戶外活動嘅話就更加需要注意補搽，如果唔係就唔好奇怪點解明明有搽防曬，但都仲係曬黑啦！
4. 防曬剩係搽面? ⛱
唔少人最注重都係保養塊面，但講到防曬，其實應該要照顧到每一寸外露嘅肌膚，除咗面部之外，頸部、手腳，甚至雙唇都要搽防曬！咁唇部當然唔係用普通嘅防曬搽上去啦，而係搽可以防曬嘅潤唇膏～如果預期到會喺戶外暴曬一段比較長嘅時間嘅話，最好就係戴返頂帽，咁就唔使買頭皮、頭髮專用嘅防曬咁麻煩啦！
5. 陰天唔使防曬? ⛅
其實即使係陰天，紫外線都可以穿過雲層，所以最保險就係無論陰天、雨天都做足防曬功夫，咁先對肌膚有最全面嘅保障！
6. 防曬唔使卸妝?🚿
唔少防曬產品除咗防曬之外，仲有防水嘅功能，所以想徹底洗走面上嘅防曬產品嘅話，最好就用落妝產品卸除，剩係用潔面乳嘅話隨時洗唔乾淨，令面上出現粉刺、暗瘡等，咁就真係欲哭無淚！想出門在外開心玩又可以好好保護肌膚？咁就記得做齊以上嘅防曬小貼士，咁就唔怕雀斑、色斑靜悄悄嚟搵你～
MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載預約你的心水服務啦!
香港最全面最可靠美容預約App 一站式優質美容預訂手機平台MindBeauty
為愛美的你搜羅全香港優質 Spas & Salons，
從按摩、修甲、美髮、瑜珈到體操健美等都可以係 App 度簡單預約