返工行街都啱著! 鞋櫃必備涼鞋款式

係人都知著涼鞋最大嘅好處就係夠晒通爽，啱晒而家時晴時雨嘅天氣，就算浸濕對鞋都好快乾返！想買返對無論返工定行街都啱著嘅涼鞋？睇下小編推介嘅幾款百搭涼鞋款式啦～

尖頭平底款

尖頭平底嘅涼鞋可以話係最多Sis鍾意嘅款，因為襯起斯文look嘅時候特別夾，平底又唔會令人行路攰或者痛，仲有多種顏色同款式選擇，一深一淺各買一對嚟襯衫都絕對唔過份，可以話係必備涼鞋款第一名！

浪漫ruffle款

加上ruffle嘅涼鞋望落一D都唔會覺得太休閒，返工著一定非常適合，唔驚畀人話著得hea～而呢種ruffle款仲特別適合平時打扮比較甜美嘅Sis添～如果想再causal D嘅仲有拖鞋款，擺對喺位隨時換著都得～

一字帶涼鞋

如果平時返工係可以著得比較causal嘅話，一字帶嘅涼鞋就最啱你啦，多變化又多顏色選擇，個款又一定唔會好快out，買一對質素好嘅就可以著好耐啦！

想著涼鞋著得再靚D？不妨喺度再揀埋款啱自己嘅腳甲款式整一整啦～如果喺整靚甲之前仲想保養下對腳，就睇下小編以下嘅2間推介啦～

藏王山蒸療養生館

位置係銅鑼灣謝斐道，唔好聽到養生館就以為好老土，原來係由一班年青人開㗎～最出名嘅就係佢哋主打嘅薰蒸服務，可以有效咁排毒同促進血液循環。佢哋仲會提供有機茶同小食畀客人，等客人可以享受最佳嘅服務～ MindBeauty推介療程：45分鐘中草藥放鬆蒸腳療程及45分鐘芳香療法足部按摩 $326

The Foot Room 足地

位於天后，地方闊落，採用柔和嘅燈光，一入到去已經感覺到放鬆～每日由朝早11點開到夜晚12點，就算放工想去按下都冇問題！佢哋嘅按摩椅之間仲有薄紗做間隔，唔使驚自己一個去會尷尷尬尬，可以享受到私人空間～

MindBeauty推介療程：50分鐘足部按摩＋薰衣草足浴 $226

呢排成日落雨，著涼鞋就唔驚D雨水浸住對腳，做埋舒緩足部嘅療程，有咩肌肉痠痛都bye bye啦～