香港 5 大最新 IG 打卡位! 得意卡通、文青之選樣樣有!

雖然人大咗要返工未必有得放暑假，但暑假總係特別多嘢玩，今年仲有好多適合畀大家喺IG打卡呃like嘅新據點，無論係想懷緬返童年鍾意嘅卡通人物定想做下文青，以下5個打卡位都總有一個啱你去！

美少女戰士展覽相信唔少8-90後嘅Sis細個唔係發夢想做港姐就係想好似月野兔咁變身做美少女戰士，替月行道，警惡懲奸啦～而家有機會畀大家懷緬返啦！尖沙咀嘅The ONE而家就做緊The ONE x Sailor Moon月光傳說嘅活動，包括有1比1原型立體嘅美少女戰士雕像影相位，一路影仲一路播返美少女嘅背景音樂，真係咩回憶都返晒嚟！另外仲有期間限定嘅pop-up store，做唔成美少女戰士，都可以買返個變身寶盒返屋企收藏下！

打完卡去邊間Spa?

Nuur Day Spa雖然位於人來人往嘅海防道，但係一上到嚟環境清幽，同時喺The One行去唔使十分鐘，可以同姐妹扮完美少女戰士過嚟做返個泰式按摩，價錢都係300幾蚊，相當唔錯嫁！

梳乎蛋真係一隻好神奇嘅卡通人物，明明懶到郁都唔郁，但偏偏望住佢又好治癒，咩煩惱都一掃而空～旺角嘅朗豪坊舉行緊梳乎蛋精選美食節，唔止有地方畀大家自己行埋去同懶鬼梳乎蛋合照，仲有超過20款限定梳乎蛋治癒系美食同飲品，當然亦都唔少得梳乎蛋嘅限定pop-up store，畀大家買D梳乎蛋返屋企陪住你hea啦～

打完卡去邊間Spa?

同梳乎蛋玩得太開心feel到對腳攰？小編推介大家去附近嘅小確幸薰蒸足療蒸下腳，除咗薰蒸足療之外，佢哋仲有香薰推油按摩同淋巴排毒按摩等，仲可以按住自己嘅心情同狀況揀自己鍾意嘅小確幸自家品牌按摩油同味道添～

Joshua Vides二次元黑白世界

自問鍾意波鞋同潮牌嘅sis，就一定要嚟波鞋街呢度打卡啦！嚟自LA嘅Joshua Vides將佢嘅招牌黑白線條作品帶曬嚟香港公開展出，由籃球框去到雪榚桶筒全部都變曬做二次元漫畫，可以帶埋男朋友仔一齊嚟打卡，實開心死佢呀！

打完卡去邊間Spa?

去完二次玩世界想玩吓黑白指甲色？可以試吓旺角嘅Love Ur Nail，款式多多而且價錢都好吸引，行完街熱辣辣上嚟整整甲就fit曬啦～

小王子花園

細細個睇書見到小王子對朵玫瑰咁悉心照顧，都咪話唔羨慕，應該都有唔少Sis希望有人可以好似小王子咁樣照顧下自己，又或者調返轉自己做小王子照顧返人～無論搵唔搵到都好，小王子都係一本非常有深度嘅故事書，唔同年紀睇可能有唔同嘅體會。鍾意小王子嘅話，不妨去下灣仔利東街嘅小王子花園，同小王子嚟個近距離接觸啦～

打完卡去邊間Spa?

位於灣仔嘅Foot Station可以俾你一邊按住犘一邊飲自家製花茶，同小王子selfie完過嚟做返個treatment特別窩心呀！

大館

中環嘅中區警署建築群大館而家免費入場，唔止有設施例如槍房、監倉等可以參觀，仲有唔少靚靚嘅建築，例如連絡橋、監獄圍牆，同有懷舊招牌嘅「大館一百面」展覽畀大家影靚相放上IG～咁多嘢玩，真係spend足一日喺度都得！去大館唔止可以影靚相，仲可以認識多D香港歷史，自認文青嘅話就最啱去啦！不過去之前記得去大館網站預約入場證呀，詳情可以喺呢度搵到！\

打完卡去邊間Spa?

位於中環嘅人氣店Levo Spa 8月份做緊MindBeauty限定嘅8折優惠，睇返各位客人嘅comment都大讚，小編推介佢哋嘅王牌Levo按摩，舒服得嚟有助排毒，做完即刻人都醒曬！

以上4個打卡位小編度度都想去！無論係想回味返細個鍾意嘅卡通人物、童話故事，定想對香港加深認識，以上4個地方都總有個啱你去，仲唔快D約齊朋友一齊去影靚相？

MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載 (http://q-r.to/baoEpB) 預約你的心水服務啦!

香港最全面最可靠美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons，

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB