營養豐富熱量低 大熱椰菜花減肥法

小編聽聞最近食椰菜花減肥好流行，聽講效果唔止好好，營養仲好豐富添！究竟椰菜花減肥法係點？係咪一日三餐剩係食椰菜花就得呢？即刻睇下小編嘅介紹，睇下啱唔啱自己試啦！

椰菜花有咩營養?

椰菜花嘅營養非常豐富，唔單止含有蛋白質、維他命A、B1、B2等，仲係是蔬菜入面維他命C含量最高嘅一種，比大白菜高4倍咁多！成日食可以有助加強免疫力同肝臟嘅排毒能力，仲有抗氧化同防癌嘅功效，可以話係好處多多！

點樣幫助減肥?

椰菜花除咗以上嘅營養之外，佢仲有熱量低、碳水化合物含量低但纖維豐富等嘅好處，所以減肥時食佢可以話係非常適合！咁點食先至好？有人會用椰菜花代替白飯，洗乾淨切碎或者攪碎之後加少少油炒5分鐘就搞掂。不過小編就唔建議完全用椰菜花取代白飯，因為椰菜花嘅熱量太低，100g大約得28卡熱量，如果用嚟完全代替白飯嘅話，好易會令攝取嘅熱量不足，反而引致頭暈、手震等問題發生，所以最好就係一半至1/3碗椰菜花撈埋一半至2/3碗白飯，咁就可以減少熱量吸收得嚟又唔驚攝取得唔夠，唔會應付唔到日常嘅活動啦！

有咩要注意?

食椰菜花之前，記得浸洗乾淨，最好就係落少少鹽再浸20-30分鐘，咁就可以洗走D菜蟲啦～雖然椰菜花營養豐富，但都有部份人士係唔適合食，例如有甲狀腺功能異常、尿酸過多嘅問題，或者有痛風嘅人就唔好多食啦，隨時會令問題惡化架！食椰菜花減肥，只需要將部份白飯換做椰菜花就得，配合埋少鹽少油少糖嘅飲食，咁就唔使大幅改動飲食習慣都可以有效減肥，仲唔即刻行動？

MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載 (http://q-r.to/baoEpB) 預約你的心水服務啦!

香港最全面最可靠美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons，

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB