抵抗力 Upgrade 貼士

新型肺炎疫情緊張，搞到大家人心惶惶，要預防病毒感染，除咗避免去一啲有病例嘅地區同埋加強個人衛生之外，積極提升身體免疫力亦好重要，減低中招機會。小編就做左少少資料收集，希望下面幾個tips可以幫到大家啦！

最緊要瞓教 😴

成日話要瞓個美容覺養生覺，瞓得好真係可以令你減少好多不必要嘅煩惱。想維持免疫系統的正常功能，我哋要注意保持規律嘅生理時鐘，至少瞓六至八個鐘同埋確保良好睡眠質素，係瞓覺前用熱水浸腳或者飲杯熱牛奶都有助促進睡眠作用，幫你瞓得好啲！瞓覺係為身體器官自然排毒嘅方法，唔夠瞓會令我地免疫功能下降，身體抵禦體外病毒和體內病變的能力就會變差，仲會易衰老同皮膚差，所以要養成早睡早起嘅習慣!💪

均衡飲食 🍎🥑🥦

英文有句說話係 “you are what you eat “! 食啱嘅食物對於增強抵抗力係非常關鍵！飲食要多樣性均衡，多菜少肉，補充維他命C，當我地遇上病毒感染，身體嘅白血球就要靠維他命C去對抗病菌，想要增加維他命C，可以食奇異果、黑加倫子、番石榴同埋橙，蔬菜方面可以食芥蘭、苦瓜、西蘭花同埋豆苗等等。除此之外，我哋可以食益生菌去減低我哋感染嘅機會，益生菌可以維持人體健康腸道生態，促進白血球生長從而提升免疫力，所以大家不妨食多啲乳酪、泡菜或者蘑菇呢一類嘅發酵食物。最後就緊係要飲多啲水，因為水可以排走我哋身體嘅毒素同病菌，尤其係預防上呼吸道感染，保持喉嚨濕潤絕對可以減低上呼吸道染病風險架！💪😷唔想淨係飲水咁悶又無味，專家建議茶茗可以有有助抗壓同抵抗病毒入侵，例如洋甘菊茶、綠茶或者薰衣草茶等等。

適量運動 🏃‍♀️

每個星期抽兩至三日做適量運動可以提升抵抗力，強化身體機能，但係切記唔好做太劇烈或者消耗過多運動量，如果唔係會岀現反效果，影響免疫力😖 小編建議行山慢跑等等嘅活動都非常適合，曾經有報道指出，同戶外接觸，人嘅身體會打開休息模式，關閉降低抵抗力嘅作戰狀態，令你感到安全同滿足，所以大家不妨抽啲時間去約齊班friend去親親大自然，一齊強身健體啦！如果唔想出去又想做運動嘅朋友仔，可以做一啲簡單嘅家居運動，加快身體的血液循環同新陳代謝速度，對病菌有一定嘅防禦作用。

按摩💆

按摩可以提升75%嘅抵抗力，例如輕輕推拿、熱冷敷、穴位按摩，通淋巴等等，都係非常養生嘅防疫方法。喺促進血液循環嘅同時，仲可以抗衰老保持身心健康添。係按摩過程中，就等同喚醒身體嘅免疫系統，提示你嘅身體增強自然嘅細胞抗病毒能力。淋巴推油係其中一樣小編極力推薦大家去做嘅按摩，通過按摩淋巴，可以有助去除淋巴嘅微生物同毒素，防止細菌深入血液，促進血液循環同埋細胞再生。每一次按完摩都會好refresh，精神飽滿，所有方法都係相輔相成，按完摩之後可以幫助改善睡眠質素，自然就幫你更有效對抗病菌啦！

****‍ 💁🏻‍♀️MindBeauty 私心推介‍ 💁🏻‍♀️**** 

Oriental Spa

小編私心推薦呢間位於中環嘅Oriental Spa俾各位讀者，佢地以傳統中式按摩為主打，療程包括穴位指壓按摩，肩頸按摩同藥理沐足腳底反射按摩，針對睡眠、排毒、經絡方面，呢間spa仲會幫你搵出身體問題的根源再為你度身訂造療程，有唔少用家都表示療程有正面效果，按摩完都覺得身體健康啲！ Oriental Spa 嘅淋巴引流瘦身按摩一直都大受歡迎，療程特點主要係融合咗穴位按摩同埋淋巴推拿，去除身體毒素，促住血液循環，可以瘦身之餘又可以排毒養生，一舉兩得，快啲book翻個treatment試下啦！

MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載 (http://q-r.to/baoEpB) 預約你的心水服務啦!

香港最全面最可靠美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons，

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB