懾人夜景盡收眼底! 3 個夜晚行山地點推介

最近開始聞到秋涼嘅味道啦，呢D天氣最啱就係去行下山，平時日頭行山行得多，其實夜晚去行都係一個唔錯嘅選擇，仲可以睇埋香港靚絕嘅夜景添！即刻睇下以下3個難度低嘅夜晚行山地點推介，有時間嘅話就去發掘下～

1. 鳳凰山

鳳凰山係香港第二高嘅山峰，只要乖乖跟住標示嘅路徑行，即使夜晚行山都唔會有咩大問題，有時間仲可以等埋個日出，欣賞鳳凰觀日添！不過由於行上去都差不多要3個鐘，對體力有一定嘅要求，所以比較適合有一定行山經驗嘅Sis去！

2. 嘉頓山

如果冇咁多時間嘅話，咁不妨去行嘉頓山，嘉頓山因為喺嘉頓麵包廠附近而得名，佢嘅位置仲非常方便，可以由深水埗嘅美荷樓青年宿舍隔離嘅晨運徑行上去，只需要30分鐘左右就可以行到上去俯瞰熱鬧嘅深水埗，仲有個小公園可以休息一下，簡直係舒展身心嘅好地方！最重要係難度夠晒低，平時冇行開山嘅Sis都可以去，仲可以即興約埋朋友一齊去添！ 

3. 山頂盧吉道

睇完九龍嘅夜景又想睇下維港嘅景色？最好就係去山頂盧吉道啦，盧吉道有「仙橋霧鎖」之稱，以凌霄閣附近為起點，跟住指示牌行30分鐘左右就到啦，唔止睇到維港嘅景色，連九龍、鯉魚門同香港島嘅景色都一覽無遺，鍾意影靚靚夜景相嘅Sis必去！ 

⚠ 行夜山注意 ⚠

夜晚行山，無論係 行比較簡單嘅路線，都要注意最好唔好自己一個人行。如果諗住去行正式嘅行山徑，就記得準備好行山嘅裝備、乾糧、後備電筒同保暖衣物等等，如果有一個行山經驗比較豐富嘅朋友同行就更加好啦，同埋切記唔好亂咁 行小路，跟住安全路線行就冇咁易走失啦！ 

MindBeauty當中有接近 2,000 間唔同的Spa & Salon，折扣最多仲高達 7 折！如果第一次經 MIndBeauty預約，申請帳戶時入返優惠碼 NEWBIE100，首次預約可以即減 $100！