2020 年 6 款大熱男士髮型

2020年話咁快就過咗大半，不過仲想為自己換下新形象都仲未遲，趁住秋冬就嚟來臨，即刻睇下以下6款今年大熱嘅男士髮型，揀一款令你心動嘅去轉個新look啦！

 💇‍♂️ undercut+頂留長 💈

相信undercut嘅髮型係唔少男士嘅至愛，但大家又知唔知undercut都可以玩出好多種唔同嘅變奏？側邊剷青+頂留長呢種髮型非常容易打理，一起身只要輕輕將頭髮gel後或者gel去其中一邊就可以出門口，著西裝都啱剪！

💇‍♂️ undercut+中短髮 💈

undercut+中短髮嘅話就可以將頭髮順住一個方向隨意上gel，就輕鬆做到漸層效果，更加表現到隨性嘅感覺，但又唔會覺得凌亂～

💇‍♂️ 西裝專用髮型 💈

呢種髮型可以話係最隱陣嘅髮型，將頭髮側分，然後將頭髮gel好就得。不過注意唔好gel得太貼，否則成陣油膩感就會出晒嚟架啦，所以畀頭髮留返少少高度會好D～

💇‍♂️ 側底層剷青+髱髮 💈

想試下髱髮？不妨學下韓仔嘅髮型，只要將側邊底層嘅頭髮剷少少，咁就即使電髱髮都可以髱得又man又有型啦～如果本身頭髮比較柔軟，都好適合電髱髮，增加頭髮嘅層次！

💇‍♂️ 現代side part髮型 💈

同西裝頭有D似，但條界分得更側，九一或者八二分界。復古嘅side part髮型通常將頭髮gel得貼貼服腳，不過去到而家當然唔使咁做啦，無論係gel高、定gel層次，都可以係現代side part髮型嘅新變化！

💇‍♂️ 層次感髮型 💈

唔理頭髮長定短，直定曲，層次感都非常重要，所以剪返款具層次嘅textured hair就啱晒喇，無論想要休閒、整潔、有型定街頭效果都一一做到，不過記得頭頂要有咁上下長度嘅頭髮先做到適合嘅效果架！ 

以上6款髮型，都非常百搭易襯，快D去問下髮型師邊款適合自己，再嚟返個新變化、新形象，轉換心情迎接秋冬啦～

MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載 (http://q-r.to/baoEpB) 預約你的心水服務啦!

香港最全面最可靠美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons，

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB