夏日護膚錦囊
夏天有咩煩惱？陽光、紫外線，加上潮濕嘅天氣，都好容易令皮膚出現問題，咁點先可以用最佳嘅狀態見客人、同事、朋友或愛人呢？依家小編就過你幾招，等各位sis嘅肌膚就唔駛再因為夏日而受困擾啦！！
1. 注意保濕
夏天需要開冷氣其實在所難免，但要留意長時間逗留係有冷氣嘅地方，使肌膚會變得乾燥。為咗令肌膚嘅水分唔會流失得太快，可以係室內擺一部空氣保濕機或者香薰加濕機，增加空氣濕度，讓自己置身於充滿水分嘅環境中。
2. 去角質
除咗面部肌膚之外，身體肌膚長期受紫外線照射，使角質容易增生， 所以去角質係夏天必須嘅工作，特別係手肘位，如果著短袖衫嘅話會好顯眼。可以試下用比較天然嘅方法例如用燕麥或者粗鹽加橄欖油撈埋之後搽上身，之後沖身再搽潤膚露就可以嫁啦！
3. 防曬
講到夏季護膚，當然唔少得防曬啦！除咗可以搽防曬霜之外，外出時都可以佩帶遮、太陽帽及太陽鏡，以減少陽光直曬，減輕紫外線侵襲。
4. 用天然手工梘
夏天可能一日會沖幾次涼，但市面上大部分沐浴露都含有防腐劑，長期使用容易會對皮膚造成慢性傷害，所以不妨選用一些由天然成份製作嘅手工梘，不但環保又有護膚功效。
5. 盡量唔好著緊身衣褲
係炎熱嘅天氣下，身體容易出汗，如果穿著緊身衣褲，會令皮膚過度摩擦，出汗就會更多。當汗黏着皮膚時，會刺激皮膚，好似胯下、腋下、手肘前側、膝蓋後方、頸部等對磨部位，因流汗潮濕加上摩擦作用，會容易導致濕疹或黴菌感染，要設法保持乾爽，可以濕毛巾擦拭，再以電風扇吹乾。
6. 頭皮護理
陽光猛烈加上空氣潮濕度高，會令頭皮油脂分泌增加，同時令頭髮受損，頭皮容易發炎，所以一定要注意頭皮清潔，避免油脂過分囤積。同時可以食用一些對頭髮有幫助的食物，例如奇異果含有大量α-亞麻酸，可以幫助頭髮維持水分，防止頭髮乾燥及改善頭髮狀態。
7. 敷面膜
外出後，當然要好好為肌膚做保養工作，高溫讓肌膚一直處於緊張狀態，晚上敷上一片面膜，好好修護膚肌。
8. 多飲水
飲多啲水係夏天護膚嘅不二法門，除咗可以補充流失嘅水分之外，仲讓身體直接吸收水分亦有保濕作用，對新陳代謝及排毒都非常有效，每日至少飲 8 杯水，千祈唔好等到身體出現口乾時先肯飲水，因為係此時先補充水分已經太遲，另外咖啡及茶盡量少飲，因佢地會令肌膚變得乾燥。