要知道雙眼係容易出賣年齡嘅部位，但係好多 sis 都會唔小心忽略咗眼部護理。其實想擁有迷人雙眼好簡單，究竟我地應該如何有效保養眼部呢？依家就等小編同各位 sis 分享幾個小方法啦！

1. 卸妝要溫柔徹底

化妝品會給面部肌膚帶來好大負擔，而有些成份更會對肌膚做成傷害；因此卸妝係護膚之中不可或缺嘅部份。因為眼部肌膚脆薄，所以我地應使用專門針對眼部嘅卸妝產品，而且卸妝時要溫柔對待。

2. 作息要定時

睡眠不足係導致眼部肌膚出現問題嘅其中一個原因。晚上睡眠不足會加重眼部疲勞狀況，而熬夜所造成嘅眼周暗沉、細紋、乾紋等都需要一段長時間才能恢復。所以切記要養成良好嘅生活習慣啊！

3. 切勿忘記眼部防曬

無論邊一個季節，防曬絕對係不可缺少嘅工作，而眼部都需要做好防曬，不然眼部會因長期接受紫外線而出現衰老症狀。小編建議 sis 出門前30分鐘就要擦上有防曬度數嘅眼霜，避免眼部肌膚被紫外線傷害。

4. 多做眼部按摩

每日使用眼霜嘅同時，亦可嘗試為眼周肌膚進行按摩。首先要按照順時針方向輕力拍打，使眼霜能充份被吸收，搽完眼霜之後再用無名指輕輕拍打眼周肌膚。

5. 選擇適合自己嘅眼霜

好多人都有黑眼圈問題，而維他命E對去除黑眼圈有唔錯嘅功效，亦好快會有明顯嘅改善。另外挑選眼霜時建議選用不含油脂或比較天然嘅產品，使眼部肌膚吸收得更好，不但有效防止水分流失，看起來還更緊緻更有彈性。

係時候睇下今期小編介紹D咩產品俾各位sis啦：

如何擁有迷人雙眼

變靚由飲食開始