過完年一定要減! 5 種消脂運動

過年除咗可以利市之外，最開心相信莫過於有好多好嘢食～年糕、蘿蔔糕、糖蓮子、各種瓜子仲有炸物等等，樣樣都咁好食，放肆一下都係人之常情！不過食得好嘢多，始終都係要還，見到個肚腩仔出晒嚟就知要做返運動減下肥啦！

1. 伸展運動🧘‍♀🧘‍♂

想有效消脂，首先要做嘅就係伸展運動，可以根據自己情況選擇需要伸展嘅部位，例如平時坐得多嘅話就可以做下肩頸同腳部嘅伸展運動啦，每個動作最好hold 7秒左右，總共做10-15分鐘，咁之後無論做咩運動都事半功倍，更加冇咁容易受傷啦！ 

2. 慢跑🏃‍♀🏃‍♂

想消脂，做有氧運動係一個好嘅選擇，而有氧運動當中比較適合少做運動嘅Sis做嘅就係慢跑啦～話晒一件年糕已經有成碗白飯嘅卡路里咁多，想消滅脂肪，至少就要慢跑返20分鐘先至夠！所有有氧運動做得少過20分鐘都唔會有咩效果㗎！當然又唔係話跑得越耐越好，最重要都係要量力而為！ 

3. 游水🏊‍♀🏊‍♂

識游水嘅Sis都可以選擇游水消脂，游水需要消耗我哋更多體能，所以可以好有效咁幫助減肥同改善曲線美，仲可以幫助增加肺活量同埋促進血液循環添！而且游水仲可以令人消除壓力，簡直係一種有益身心嘅運動！

4. 戰繩運動🤼‍♀

如果主要想減雙手嘅肉，或者令雙臂嘅肌肉firm D，最好就係做戰繩運動啦～最適合平時有做開gym嘅Sis。戰繩運動量大，差唔多要用晒全身嘅肌肉，所以消耗嘅熱量都特別多，如果想減肚腩，亦都可以從大幅度旋轉兩邊嘅繩嚟達到減肚腩嘅效果，不過戰繩呢種運動當然需要有專業嘅健身教練從旁指導先可以有最好嘅效果啦！

5. 原地跑👟

如果平時工作忙，嫌出街跑太煩嘅話，亦都可以試下可以喺屋企做又用少D時間嘅運動，原地跑就係其中一種啦～不過原地跑時，要注意姿勢正確，挺直條腰，屈曲雙手放喺腰側，跑時要注意腳要向後提起少少，跑100下左右就得啦～ 以上5種運動，適合有唔同需求嘅Sis，去gym room做又得，想喺屋企做亦得，不過最重要都係要量力而為，唔好為咗快速減肥而做多咗呀！

MindBeauty 為愛美的你搜羅全香港優質 Spas & Salons，從按摩、修甲、美髮、瑜珈到體操健美等都可以係 App 度簡單預約，首次登記輸入優惠碼【newbie100】仲可以即減 $100，立刻下載 (http://q-r.to/baoEpB) 預約你的心水服務啦!

香港最新最安全的美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons，

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB